كتبت _ دعاء السنباطي:
بعد 6 مواسم من التعاونات الموسيقية اللي جمعت فنانين من مدارس وأنماط مختلفة، ريد بُل مزيكا صالونات راجع في موسمه السابع . واللي دايمًا بيقدّم واحدة من أكتر التجارب الموسيقية جرأة في العالم العربي.
البرنامج اللي قدر عبر سنينه يبني مساحة حقيقية للإبداع والتجريب، بيرجع المرة دي بتحدي أصعب وأمتع:
الفنانين عندهم ٦ ساعات بس بدل 8 ساعات، علشان يخلقوا أغنية من الصفر، كلمات، لحن، وتوزيع — ويخلصوها بفيديو كليب جاهز للعرض!
من غير أي لقاءات قبلها أو تحضير، المقابلة بتبدأ بالفكرة وتنتهي بصوت جديد بيظهر قدام الكاميرا، في تجربة بتمزج بين السرعة والإلهام والطاقة.
البرنامج يعرض حصريًا على قناة Red Bull SIKA على يوتيوب، عشان تتابعوا كل التفاصيل من جوه الاستوديو وتشوفوا إزاي بيتحوّل التحدي لموسيقى حقيقية.
من الموسم الأول لحد النهارده، “ريد بُل مزيكا صالونات” جمع عشرات الفنانين من كل المشاهد الموسيقية، من الأندرجراند لحد البوب، وحقق ملايين المشاهدات على يوتيوب والسوشيال ميديا.
استنوا الحلقات الجديدة وشوفوا بنفسكم إزاي الموسيقى ممكن تتولد من المجهول…
في ٦ ساعات بس
الفنانين اللي في الموسم ده من عالم الراب زي مروان بابلو، الناظر، أحمد سانتا، سنور. ومن عالم المهرجانات فيه إسلام كابونجا، حمو المرشدي، ويزا منتصر، ومن عالم البوب عمرو مصطفى، حكيم، هشام عباس، وفنانين كتير من العالم العربي.
